A bici-neve

A principio de semana, cando o dos afociñazos, saín algo tarde da universidade. Ás cinco da tarde xa era noite pechada. Estas son as imaxes do meu medio de trasporte e da universidade á ora de saír.

A bicicleta preparada para ir á casiña

Por aquí vaise para casa

Afociñazo comentado por uha vella finesa

Hoxe tiven unha afoziñada de tipo curva. Cabeza na cuneta. Coma outra calquera se non fose porque hoxe tiven unha expectadora que decidiu comenta-la xogada. Cando eu estaba recompoñéndome e sacudindo a neve que aínda me quedaba entre a capucha e a cabeza, a muller dixo algo en finñes. Non estou seguro das verbas que a muller escolleu para decilo. Nen sequera estou completamente seguro do que dixo, pero fíxenme a idea de que era algo tal que así:

-Con que crías que viñas a Finlandia a estar sempre de festa e que a neve era igual de bonita que nas postais, ¿non sí?. Pois agora fódete. Vas a estar enterrando a cabeza na neve ata abril.

Parte de afociñazos

Afociñazos coa bicicleta:

	Luns	Martes	Mercores	TOTAL
Curvas	0	1	1	2
Frenadas	0	1	0	1
Encalladas	0	0	1	1
TOTAL	0	2	2	4

É que montar na bici pola neve non é unha modadlidade de ciclismo, é un deporte novo. Un deporte extremo.

O freno traseiro da miña bicicleta non traballa ben. O de diante é o botón da catapulta; con solo rozalo, acabas no chan en décimas de segundo. Para frenar, o mellor é meterse na neve. Para frenar pouco, mete-las rodas na neve. Para frenar moito, mete-la cabeza.

Descripción das modalidades de caída:

• Curvas: Cando, cedo pola mañá, tomas as curvas como nunha bicicleta normal sen decatarte das propiedades do chan. Tes que levar a bici coma se fose un coche: non podes pegar aceleróns, frenadas nin xiros bruscos. Cun xiro brusco a roda vaise hacia o lado contrario e a túa cabeza acaba máis ou menos donde querías poñe-la roda.

• Frenada: Cando paras a bici afundindo a cabeza na neve porque pulsaches o botón da catapulta.
• Encallada: Chamaremos encallada ó estilo de caida no que afociñas sen facer nada:
  • Metes as rodas nun feixe de neve virxe, que te frea de golpe. A neve insta á túa roda a seguir unha traxectoria diverxente da da túa cabeza. Roda para alí, cabeza para aquí, afociñada!
  • Cando hai pisadas de xente ou marcas de rodas que crean irregularidades no firme. Normalmente estas irregularidades fan que a roda dianteira siga traxectorias non desexadas, mentres que a túa cabeza sigue a traxectoria que lle corresponde por inercia. Xa sabedes cómo sigue.

Segunda nevada

As bicicletas dalgúns dos meus compañeiros

Vista dende o meu balcón

Primeira nevada da temporada

Hoxe amenceu nevado por primeira vez dende que estou aquí. Onte pola tardiña xa estivo nevando un pouco e chegou a callar sobre os coches. Pero hoxe á mañá é diferente. Todo o asfalto está coberto de neve. As zonas con herba tamén están conxeladas. Non é unha capa de neve que sirva para xogar con ela nen para parar o tráfico, pero é neve e xa tinguiu Mikkeli de branco. Non o digo ledo ou excitado. É un dado meteorolóxico que significa que vou a ter que deixar de ir en bicicleta á universidade.

A foto foi tomada ás 8 da mañá, máis ou menos, sen flash e con sensibilidade ISO-Hi dende o meu balcón, na segunda planta. Non hai moita luz. O caseto aquél é donde metemos a basura.
A seguinte foto é dende a xanela do meu apousento.

Pois sí, parece que me caen as piñas no tellado…